काठमाडौं । काठमाडौंको चन्द्रागिरि नगरपालिकाबाट ठूलो परिमाणमा लागुऔषधसहित दुई जनालाई पक्राउ गरिएको छ।
सशस्त्र प्रहरी बलका अनुसार आइतबार चन्द्रागिरि–१५ स्थित ढुंगेअड्डा र नैकाप क्षेत्रमा सञ्चालन गरिएको विशेष अभियानका क्रममा एक महिला र एक पुरुषलाई नियन्त्रणमा लिइएको हो।
पक्राउ परेकाहरूको साथबाट ठूलो परिमाणमा लागुऔषध बरामद भएको सशस्त्र प्रहरीले जनाएको छ। बरामद लागुऔषधको परिमाण र प्रकृतिबारे विस्तृत विवरण भने सार्वजनिक गरिएको छैन।
घटनाबारे थप अनुसन्धान भइरहेको तथा पक्राउ परेकामाथि लागुऔषधसम्बन्धी कसुरमा आवश्यक कानुनी प्रक्रिया अघि बढाइएको सशस्त्र प्रहरीले जनाएको छ।
प्रतिक्रिया
सम्बन्धित खवर
